Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Менску затрыманы лідэр менскіх прадпрымальнікаў 17:14, 10/02/2006
У Менску сёньня быў затрыманы старшыня каардынацыйнай рады індывідуальных прадпрымальнікаў Менску Аляксандр Макаеў.
Як паведаміў “Радыё Свабода” актывіст прадпрымальніцкага руху Ігар Леднік, гэта адбылося ў другой палове дня падчас наведаньня імі рынку “Чэрвеньскі”. Паводле спадара Ледніка, лідэра менскіх бізнэсоўцаў затрымалі міліцыянты Ленінскага раёну. Аднак у раённым аддзеле міліцыі адмаўляюцца пацьвердзіць альбо абвергнуць як факт затрыманьня.
Нагадаем, Аляксандр Макаеў, Ігар Леднік і шэраг іншых актывістаў прадпрымальніцкага руху нядаўна выступілі з ініцыятывай правядзеньня дробнымі бізнэсоўцамі страйку падчас правядзеньня Ўсебеларускага народнага сходу 2-3 сакавіка. Акрамя эканамічных патрабаваньняў, бізнесоўцы таксама выступаюць супраць удзелу Лукашэнкі ў прэзідэнцкіх выбарах.
