Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Студэнта выключылі з універсітэта за каляндарык з выявай Мілінкевіча 12:35, 15/02/2006
З Гарадзенскага унівэрсытэту імя Я.Купалы выключаны студэнт 3-га курсу філялёгіі Яўген Скрабутан. 13 лютага мастоўскі суд пакараў яго штрафам – 290 тысяч рублёў за 5000 каляндарыкаў са здымкам лідэра дэмакратычных сіл Аляксандра Мілінкевіча і словамі “Люблю Беларусь”. Студэнт зьяўляўся сябрам ініцыятыўнай групы Мілінкевіча, яго затрымалі з каляндарыкамі на чыгуначнай станцыі ў Мастах 12 студзеня, паведамляе “Радыё Свабода”.
У дэканаце яму сёньня патлумачылі, што паводле загаду, ён другі раз дапусьціў парушэньне за час навучаньня. Першым разам яго выключылі за графіці ў 2004 годзе, яму тады ўдалося аднавіцца ва ўнівэрсытэце.
Яўген Скрабутан гаворыць, што яго выключылі надзвычай хутка — на другі дзень пасьля суду, прычым яго нікуды не выклікалі, яму не вядома нават ці адбылося паседжаньне дэканаў, са згоды якіх выключаюць студэнтаў. Згода была патрэбна і ад прафсаюзу, зазначае ён. У дэканаце яму толькі паказалі электронны варыянт выпіскі з загаду аб яго выключэньні з унівэрсытэту.
