Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Марыі Фінькевіч забаранілі сустрэцца з сынам 16:21, 16/02/2006
Пракурор Першамайскага раёну Менску амовіў маці палітзьняволенага, актывіста “Маладога Фронту” Артура Фінькевіча ў законным праве сустрэцца з сынам. Супрацоўнікі пракуратуры паведамілі бацькам Артура, што пытаньні ягонай крымінальнай справы “разглядаюцца на значна вышэйшым узроўні”.
Як паведамляе прэс-служба МФ, 14 лютага Артур Фінькевіч перадаў на волю ліст, дзе выказаў апасеньне, што суд над ім адбудзіцца толькі праз пяць тыдняў - тобок пасьля прэзыдэнцкіх выбараў.
Артур Фінькевіч быў затрыманы ў Менску за нанясеньне графіці “Мы хочам новага!” і “Достал!”. Заведзена крымінальная справа за “злоснае хуліганства”.
