Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Дзень салідарнасьці ў Варшаве пачынаецца з малітвы 11:40, 16/02/2006
Раніцай 16 лютага ў адной з цэркваў польскай сталіцы адбылася малітва перад іконай Маці Божай Вастрабрамскай, Маці Міласэрнасьці.
Беларусы маліліся за нашую Радзіму - Беларусь, за салідарнасьць паміж усімі беларусамі сьвету, за палітзьняволеных у Бацькаўшчыне, што церпяць сёньня ў турмах, за вечнае спачываньне для душаў зьніклых апанентаў дыктатарскага рэжыму. Прасілі Міласэрнага Бога, каб людзі адкінулі свой страх і прымалі ўдзел у акцыях Дня салідарнасьці.
Беларусы павінны памятаць, што грамадзянскі супраціў бяз веры ў Бога не прынясе плёну. Таму сьвечы, якія 16-га дня кожнага месяца запальваем перад іконай Маці Божай Вастрабрамскай, Маці Міласэрнасьці, выяўляюць наш глыбокі давер Міласэрнаму Хрысту.
Сёньня ўвечары ў Варшаве і дзесятках гарадоў Польшчы пройдуць акцыі салідарнасці з Беларусьсю.