Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Сяргей Калякін: 19 сакавіка а 20.00 мы ўсе будзем на Кастрычніцкай плошчы 15:00, 20/02/2006
«Мы заклікаем нашых прыхільнікаў: каб падвесьці вынікі галасаваньня, даведацца пра іх, зьбірацца 19 сакавіка а 20 гадзіне на Кастрычніцкай плошчы ў Менску, як гэта робіцца ва ўсім сьвеце, дзе прыхільнікі таго ці іншага кандыдата сыходзяцца разам, каб адсьвяткаваць перамогу. Наш сход абсалютна мірны і законны з погляду правоў грамадзяніна», -- заявіў сёньня кіраўнік Штаба кандыдата ў прэзідэнты ад дэмакратычных сіл Аляксандра Мілінкевіча Сяргей Калякін падчас онлайн-канферэнцыі на “Радыё Свабода”.
На думку Сяргея Калякіна, калі ў стране адбудзецца фальсыфікацыя выбараў, то людзі маюць усе шансы патрабаваць усе плошчы, каб выбары былі скасаваныя.
“Мы не заклікаем людзей на плошчу, а заклікаем іх прагаласаваць за адзінага кандыдата, і заклікаем улады правесьці сумленны падлік галасоў. І калі такі падлік будзе зроблены, то павінен адбыцца другі тур, бо Лукашэнка ўжо не набірае 50% галасоў выбаршчыкаў. А калі ўлада пойдзе на фальсыфікацыі, то яна гэтым самым вывядзе людзей на плошчы. І ў гэтым разе, безумоўна, мы будзем разам з гэтымі людзьмі - і я, і Аляксандр Мілінкевіч, і іншыя палітыкі”, -- заявіў Сяргей Калякін.
