Аляксандр Мілінкевіч аб будучай маладзёвай і сацыяльнай палітыцы :: Хартыя'97 :: Навiны

Аб праграме аб’яднаных дэмакратычных сіл, скіраванай на падтрымку моладзі, казаў у панядзелак у Палацы гарадскога пасёлка Рэчыца кандыдат у прэзідэнты Беларусі Аляксандр Мілінкевіч.

- Мы робім у нашай праграме вялікі націск на паляпшэнне якасці адукацыі, - сказаў падчас сустрэчы Аляксандр Мілінкевіч.

Ён падкрэсліў таксама, што аб’яднаныя дэмакратычныя сілы зацікаўлены ў інвестыцыях у адукацыю, бо у Беларусі сёння адчуваецца неабходнасць яе развіцця. І гэтыя інвестыцыя абавязкова адплацяцца ў будучым. Аляксандр Мілінкевіч запэўніў прысутных, што ягоная праграмма забяспечвае роўныя шанцы моладзі на атрыманьне адукацыі. Для дасягнення гэтай мэты прапаноўваецца развіццё стыпендыяльнай сістэмы, паляпшэнне кантролю за якасцю школ і ВНУ, якасцю навучання.

Кандыдат у прэзідэнты Беларусі катэгарычна выказаўся за бясплатную адукацыю на дзённым аддзяленні ў дзяржаўных універсітэтах:

- Дзяржава абавязана прадстаўляць права на бясплатную адукацыю ў дзяржаўных установах. Але калі малады чалавек ці яго бацькі маюць магчымасць плаціць за навучэнне, то побач павінны паўставаць і прыватныя ВНУ, якія сёння ў Беларусі паступова ліквідуюцца.

Выступаючы ў Рэчыцы, Аляксандр Мілінкевіч таксама падкрэсліў, што лепшаму старту моладзі ў дарослае жыццё ў новай дэмакратычнай Беларусі, будуць служыць таксама развіццё малога і сярэдняга бізнэсу, прыцягненне інвестыцый, тэхналагічнае абнаўленне прадпрыемстваў. Бо гэта стварае добрую кан’юктуру і спрыяе ліквідацыі беспрацоўя.

- Усе гэта ёсць у май праграме, – адзначыў кандыдат у прэзідэнты.

На пытанне пра прымусовае размеркаванне Аляксандр Мілінкевіч сцвердзіў, што яно павінна быць ліквідавана.

- Дзяржава павінна не прымушаць студэнтаў выязджаць на месца працы, а павінна гарантаваць і прапаноўваць першае месца працы.

Адказваючы на пытанні выбарцаў, ён казаў і пра пераарыентацыю беларускай адукацыі.

- Беларуская сістэма адукацыі дае выдатныя фундаментальныя веды, а вось з практычнымі навыкамі ў нас кепска.

Жыхароў Рэчыцы цікавілі таксама перспектывы ў Беларусі маладых сем’яў.

- Нашая праграма прадугледжвае, што пры нараджэнні першага дзіцяці выплачваецца пяць мільёнаў рублёў, - заявіў Аляксандр Мілінкевіч. - Пры нараджэнні другога дзіцяці прадстаўляецца беспрацэнтны крэдыт на 25 год на набыццё жылля і штомесячная даплата на кожнае дзіця да 16 год у памеры 10% спажывецкага бюджэту.

На сустрэчы прысутнічалі больш як 400 чалавек. У другой палове дня Аляксандр Мілінкевіч наведае Мозыр і Калінкавічы.
qqqqq