Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Райвыканкам вывешвае плякаты без выходных дадзеных (фота) 10:11, 21/02/2006
Адразу пасьля рэгістрацыі кандыдатаў старшыні ўсіх участковых выбарчых камісіяў Глыбоцкага раёну атрымалі каляровыя плякаты і распараджэньне разьмясьціць іх ў памяшканьні, дзе знаходзіцца камісія. Агітацыйныя матэрыялы праўдападобна маюць мясцовае паходжаньне. На іх ёсьць выява гербу горада Глыбокае. Не выклікае сумнёваў і тое, за каго з кандыдатаў гэтыя плякаты заклікаюць галасаваць, паведамляе «Радыё Свабода».
Як удалося высьветліць назіральнікам у камісіях, плякаты зробленыя на замову Глыбоцкага гарвыканкаму. Аўтарам ёсьць фатограф І. Касевіч, мясцовы прыватны прадпрымальнік з атэлье “Фота на Маскоўскай, 10”, Глыбокае. Гэта пазначана і на плякаце, але якіх-кольвек іншых выходных дадзеных там няма.
Па факце распаўсюду друкаванай прадукцыі без выходных дадзеных мясцовыя назіральнікі рыхтуюць скаргу ў ЦВК. Яны просяць высьветліць таксама, за якія сродкі надрукаваныя гэтыя матэрыялы.
Інфармацыя пра плякаты без выходных стала вядомая і доўгатэрміновым назіральнікам місіі АБСЭ, што працуюць у рэгіёне.
