Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Улёткі і плякаты Мілінкевіча з’явіліся ў рэгіёнах 17:02, 23/02/2006
Цэнтравыбаркам выдзеліў кожнаму з чатырох кандыдатаў на прэзыдэнта каля 32 тысяч даляраў бюджэтных сродкаў, каб надрукаваць агітацыйную прадукцыю. Першымі надрукавалі і ўжо разьвезьлі па рэгіёнах друкаваную прадукцыю (улёткі, буклеты, плякаты, брашуры з праграмай ) у ініцыятыўнай групе кандыдата ад аб’яднанай апазыцыі Аляксандра Мілінкевіча.
Разам больш за паўмільёна асобнікаў друкаванай прадукцыі, паведаміў «Радыё Свабода» кіраўнік прэсавай службы штабу Мілінкевіча Сяргей Вазьняк.
“Яна ўжо дастаўлена ў рэгіянальныя выбарчыя штабы, і ёсьць ужо прыклады, калі ўлада на месцах пасьпела сканфіскаваць нашы ўлёткі”, -- сказаў кіраўнік прэс-службы.
Спадар Вазьняк мае на ўвазе 26 тысяч улётак Мілінкевіча, якія магілёўская міліцыя забірала на праверку, але іх ужо вярнулі і папрасілі прабачэньня.
