Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
«Neuro Dubel», «Крама», «Indiga» выступілі ў рамках Дня салідарнасьці 11:43, 24/02/2006, Сяргей Будкін, «Наша Ніва»
16 лютага "Neuro Dubel" даў канцэрт у клюбе "Remont" у цэнтры Варшавы. На "забаронены ў Беларусі", як пазначана ў афішах, гурт прыйшлі паглядзець больш за 300 чалавек. Паводле задумкі арганізатараў, гледачоў у джынсавай вопратцы пускалі ў залю за так. Разам зь "дзюбэлямі" гралі вядомыя панкі зь "Big CyC" - "мілыя і нецяжкія", як ахарактарызаваў іх Кулінковіч. Польскія музыкі прэзэнтавалі сваю новую песьню, прысьвечаную кіраўніку Беларусі пад назвай "Дыктатура", "Neuro Dubel" паказаў рэшту новага альбому "Пуп Зямлі".
"Крама" дала вялікі канцэрт у клюбе "Hades" у Любліне. Польскія арганізатары зьдзівіліся такому наплыву людзей. "Адчуваецца, што ў Польшчы цяпер звышувага да ўсяго беларускага", - апавядае Ігар Варашкевіч. Палякі ўпадабалі беларускі рок-н-рол і доўга не адпускалі музыкаў са сцэны.
Вакалістка "Indiga" Руся ў Кракаве разам зь мясцовымі актывістамі правяла перад канцэртам акцыю на вуліцы: раздавалі ўлёткі з інфармацыяй пра Беларусь і запальвалі сьвечкі. На канцэрце у студэнцкім гарадку адчулі сябе сапраўднымі зоркамі - арганізатары працавалі, як адладжаны мэханізм. Адзін зь іх, заўважыўшы, што музыкам горача, прыцягнуў аднекуль вэнтылятар.
Цікавасьць да незалежнай беларускай музыкі расьце. Рок-гурты ўжо атрымалі запросіны даць канцэрты ў Гдыні, Празе, Вільні.
, iнформэр
