Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Міліцыя баіцца каманды Мілінкевіча 10:13, 28/02/2006
27 лютага кіраўнік Цэнтральнага РАУС Мінска адазваў позву ў суд на актывістаў Штабу кандыдата ў прэзідэнты Беларусі Аляксандра Мілінкевіча. Уладзіміра Кішкурна, Ігара Арлова і Леанарду Мухіну кіраўнік РАУС абвінаваціў у тым, што яны ў час агітацыйнай кампаніі раздавалі ўлёткі ў падтрымку Аляксандра Мілінкевіча.
У чацьвер увечары актывістаў выбарчай кампаніі А. Мілінкевіча затрымалі ў Мінску падчас распаўсюду ўлётак у яго падтрымку. Іх прывезлі ў пастурунак, склалі пратакол па артыкуле 161.1 Адміністрацыйнага кодэксу - парушэнне парадку арганізацыі, правядзення пікетвання - і ўручылі на сёння позву ў суд. Прыехаць і падтрымаць сваіх актывістаў у судзе збіраўся і сам кандыдат у прэзідэнты.
Аднак, напэўна, прадстаўнікі праваахоўных органаў спужаліся сваіх незаконных дзеянняў, таму прыехалі ў суботу да дому Уладзіміра Кішкурна і Леанарды Мухінай і забралі копіі складзенных на іх пратаколаў. А сёння зранку кіраўнік Цэнтральнага РАУС Мінска патэлефанаваў актывістам і папрасіў іх не прыходзіць у суд, бо як ён паведаміў справа закрытая.
Такім чынам, улада падцвердзіла незаконнасць сваіх дзеянняў і парушэнні падчас правядзення выбарчай агітацыйнай кампаніі.
