Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Міліцыя дала дазвол на шыльды «За Мілінкевіча!» 11:26, 04/03/2006
3 сакавіка ў цэнтры Брэста супрацоўнікі аддзелу “Ахова” спынілі аўтамабіль, на якім была ўсталяваная шыльда “Брэст за Мілінкевіча!”. У машыне, кіраваў якой Дзяніс Турчаняк, таксама знаходзіўся кіраўнік Брэсцкага гарадскога выбарчага штабу Мілінкевіча Зміцер Шыманскі.
На рагу праспэкта Машэрава і бульвара Касманаўтаў міліцыянты з аддзелу “Ахова”, узброеныя аўтаматамі, загадалі кіроўцу машыны спыніцца.
Пасля праверкі дакументаў, паведамляе радыё Свабода, спадары Турчаняк і Шыманскі былі адвезеныя ў Ленінскі РАУС. Там актывістаў штабу Мілінкевіча спрабавалі абвінаваціць у тым, што яны парушаюць выбарчае заканадаўства: маўляў, займацца агітацыяй можна толькі ў адведзеных гарвыканкамам месцах. Акрамя таго, паводле словаў міліцыянтаў, шыльда на аўтамабілі нібыта замінае кіроўцам іншых машынаў і стварае небяспеку для руху транспарту.
Аднак пасля 30-хвіліннай размовы ніякіх доказаў парушэння заканадаўства з боку Дзяніса Турчаняка і Змітра Шыманскага высунута не было, і яны змаглі пакінуць міліцэйскі пастарунак.
, iнформэр
