Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Аўтамабілістаў Берасьця агітавалі за Мілінкевіча 12:42, 11/03/2006
Перад сёньняшняй сустрэчай кандыдата ад аб’яднанай апазыцыі Аляксандра Мілінкевіча з выбарнікамі ў Берасьці ў Палацы культуры прафсаюзаў 30 актывістаў ягонай ініцыятыўнай групы правялі незвычайную агітацыйную акцыю – на цэнтральнай вуліцы горада, Маскоўскай, у гадзіну пік, яны сталі літаральна ля кожнага слупа з плякатамі і партрэтамі.
Аўтамабілісты ўспрымалі агітатараў вельмі прыхільна, а вось міліцыя затрымала 8 удзельнікаў акцыі і спрабавала абвінаваціць іх у правядзеньні несанкцыянаванага пікету. Аднак актывістам ўдалося давесьці міліцыянтам, што яны дзейнічалі згодна з Выбарчым кодэксам, паведаміла удзельніца акцыі Ірына Лаўроўская.
“Мы лічым гэта вельмі ўдалай акцыяй, нечаканай, надзвычай прыгожай, і самае галоўнае, што мы адчувалі гэтую салідарнасьць жыхароў Берасьця з намі. Нарэшце гэта адбылося”, -- паведаміла Лазоўская для “Радыё Свабода”.
