Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Аляксандр Мілінкевіч заклікаў беларусаў не галасаваць датэрмінова 12:11, 11/03/2006
На сустрэчы з жыхарамі Белаазёрску 10 сакавіка лідэр беларускіх дэмакратычных сілаў, кандыдат у прэзідэнты Беларусі Аляксандр Мілінкевіч выступіў супраць датэрміновага галасавання: «Схема датэрміновага галасавання зроблена спецыяльна дзеля таго, каб скрасці галасы беларусаў. Калі вас прымушаюць галасаваць датэрмінова, памятайце: ціск на людзей - гэта парушэнне закона. Любыя фальсіфікацыі з`яўляюцца злачынствам, якое не мае тэрміну даўніны, вінаватыя раней ці пазней панясуць пакаранне», -- заявіў Мілінкевіч.
Мілінкевіч паведаміў пра арышты і суды над актывістамі аб’яднаных дэмакратычных сіл у Мінску, Баранавічах і Калінкавічах: “Улада паводзіць сябе па-хамску, і калі так будзе працягвацца, ні Мілінкевіч, а ўлада выведзе людзей на вуліцу. Улада прайграе народу, яна гэта ведае, таму і шалее, замест таго, каб прызнаць сваю паразу, сысці, спрабуе рэпрэсіямі запалохваць людзей”.
У Белаазёрску сваю падтрымку Аляксандру Мілінкевічу выказала і мясцовая ідэалагічная вертыкаль. Напярэдадні сустрэчы на стэле гарадскога дому культуры быў вывешаны лозунг “Город энергетиков не верит пустым обещаниям». Як стала вядома прэс-групе Мілінкевіча, аўтарамі антылукашэнскага лозунгу сталі супрацоўнікі мясцовай ідэалагічнай вертыкалі.
, iнформэр
