Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Каля 6 тысяч гамяльчан прыйшлі на сустрэчу з Аляксандрам Мілінкевічам 20:05, 14/03/2006
Каля 6 тысяч чалавек прыйшлі сёння на Цэнтральны стадыён Гомеля, каб сустрэцца з кандыдатам у прэзідэнты Аляксандрам Мілінкевічам. Людзі сустрэлі А.Мілінкевіча апладысментамі і воклічамі “Новы прэзідэнт!”, “Свабода!”. Яны трымалі ў руках расцяжкі “Мілінкевіч!”, “Свабода! Праўда! Справядлівасць!”.
Кандыдат у прэзідэнты распавёў пра сваю перадвыбарчую праграму, пра планаваныя фальсіфікацыі выбараў і дзесяткі затрыманняў па ўсёй краіне.
- Улада баіцца, бо яна ведае сваю рэальную падтрымку збоку народа, - заявіў на сустрэчы Аляксандр Мілінкевіч. – Улада працягвае паводзіць сябе па-хамску, яна збівае, арыштоўвае і кідае ў турмы людзей, якія думаюць інакш.
Апладысментамі была сустрэна запіска, перададзеная Аляксандру Мілінкевічу падчас сустрэчы, са словамі “Міліцыя Гомеля за Мілінкевіча!”.
Перад выбарцамі выступілі таксама кіраўнікі Штаба Сяргей Калякін і Віктар Карніенка.
