Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Зорка польскага року сьпявае па-беларуску пра дыктатара 19:27, 14/03/2006
Вядомы польскі рок-гурт “Big Cyc” (Біг Цыц) упершыню за шматгадовую гісторыю свайго існаваньня запісаў песьню на замежнай мове. Гэтая мова – беларуская.
Як паведамляе «Радыё Свабода», песьня “Дыктатар”, у якой музыкі крытыкуюць уладу Аляксандра Лукашэнкі была напісаная па-польску для новага, 14-га альбому гурту, што выйдзе ў красавіку, але потым тэкст быў перакладзены на беларускую мову і вакаліст гурту Джэй Джэй “пасьля інтэнсіўнага курсу беларускай мовы” засьпяваў яе па-беларуску.
Мэнэджэр гурту “Big Cyc” Моніка Пад’яцка не выключае, што песьня “Дыктатар” можа быць выдадзеная па-польску і па-беларуску на адным сынгле. Ужо цяпер беларускамоўную вэрсію песьні можна слухаць у інтэрнэце па адрасе: stream.onet.pl
