Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Назіральнікі на ўчастках для галасавання ў Гомелі пачалі фіксаваць парушэнні. Паводле каардынатара незалежнага назірання за выбарамі Уладзіміра Сякеркі, на ўсіх участках, дзе працуюць незалежныя назіральнікі, зафіксаваны факты адмовы ў атрыманні звестак аб колькасці выбаршчыкаў, якія падалі заяўкі на галасаванне па месцы жыхарства і прагаласавалі датэрмінова.
Апрача таго, на ўчастку № 11 у Цэнтральным раёне Гомеля зафіксаваны выпадкі выдачы ў адны рукі некалькіх бюлетэняў для галасавання. Участак № 50 з-за пагрозаў мусіў пакінуць назіральнік Іван Адаменка. Назіральнік зазначыў, што да пачатку працы ўчастка не былі ўнесеныя і аплямбаваныя скрыні для галасавання. Старшыня камісіі Валерый Буднікаў патрабаваў ад іншых назіральнікаў, каб тыя склалі акт аб парушэнні грамадскага парадку назіральнікам ад штаба А.Мілінкевіча.
У Васілевічах Рэчыцкага раёна на ўчастку № 39 быў затрыманы назіральнік Сяргей Пасюта, які таксама праводзіў апытанне грамадзян, што прагаласавалі. У.Сякерка паведаміў, што ўсе факты парушэння парадку галасавання належным чынам фіксуюцца, складаюцца акты і перадаюцца ў пракуратуру.
