Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
19 сакавіка ў сталіцы Швайцарыі Бэрне, ад 9.00 да 15.00 адбываўся пікет каля беларускай амбасады у Мурі ам Бэрн. Акцыю ў падтрымку свабодных выбараў і палітычных зьняволеных у Беларусі арганізаваў новаствораны Беларускі Камітэт у Швайцарыі.
Беларусы трымалі плякат “Лукашэнку прэч ! Мы хочам свабодных выбараў !“ і нацыянальныя бел-чырвона-белыя сьцягі. Былі парваныя два лукашэнкаўскія сьцягі, на якіх пакінулі свае подпісы ўдзельнікі пратэсту. Беларусы скандавалі “Жыве Беларусь “ і “Далоў дыктатуру !“ Пікетоўцы правялі экзыт-пол каля ўваходу ў амбасаду, у выніку якога выявілі, што за Лукашэнку пададзена 24 галасы, за Мілінкевіча 2 галасы, за Казуліна і Гайдукевіча ніводнага.
У Швайцарыі на консульскім уліку знаходзіцца 56 асобаў, у якіх бальшыню складаюць прадстаўнікі дыпляматычнага корпусу, лукашэнкаўскія гандлёвыя й банкаўскія агенты. У 14.30 амбасадар Беларусі ў Швайцарыі чарговы раз выйшаў да дэманстрантаў і абвесьціў, што яўка выбарцаў у іх склала 100 адсоткаў. Гэта хлусьня, бо нам вядомыя прозьвішчы зарэгістраваных людзей, якія з розных прычынаў ня прыехалі на галасаваньне.
