Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Аляксандр Мілінкевіч: Мы нікога не пакінем у бядзе 11:20, 30/03/2006
У студзені-сакавіку 2006 года ўладамі, за актыўны ўдзел у выбарчай кампаніі на баку апазіцыйных кандыдатаў, пакарана ў рознай форме больш за тысячу чалавек. Людзей штрафавалі за распаўсюд агітацыйных матэрыялаў, саджалі на “суткі” за ўдзел у масавых акцыях, выганялі з працы і вучобы за арганізацыю сустрэчаў з кандыдатамі ў прэзідэнты. Штаб Аляксандра Мілінкевіча заяўляе: мы нікога не пакіне ў бядзе! Усім, хто ў студзені-сакавіку 2006 года быў рэпрэсаваны, неабходна запоўніць анкету і даслаць на адзін з указаных адрасоў.
Анкета:
1. Прозвішча, імя, імя па бацьку.
2. Дата нараджэння.
3. Паштовы адрас.
4. Тэлефон, факс, электронны адрас.
5. Форма рэпрэсіі (штраф, арышт, звальненне з працы ці вучобы, узбуджэнне крымінальнай справы і г.д.).
6. За што фактычна рэпрэсаваны (збор подпісаў, вылучэнне ў склад камісіі, распаўсюд агітацыйных матэрыялаў, удзел у пікетах, сходах і мітынгах, удзел у назіранні і г.д.).
7. Афіцыйная фармулёўка правапарушэння (хуліганства, удзел у несанкцыянаваным мітынгу, прагул і г.д.).
8. Спецыяльнасць.
9. Якой замежнай мовай валодаеце.
Штаб Аляксандра Мілінкевіча гарантуе, што ўсіх, хто згубіў працу ці вучобу за ўдзел у палітычнай дзейнасці, мы ўладкуем на адпаведную працу ці вучобу ў Беларусі ці за яе межамі. У той жа час мы папярэджваем, што не займаемся пытаннямі эміграцыі і атрыманнем статусу палітычнага ўцекача.
