Салідарнасьць зь Беларусьсю у Чэхіі :: Хартыя'97 :: Навiны

Шаноўныя сябры! Як студэнты і выкладчыкі вышэйшых школаў і ўнівэрсытэтаў Чэскай рэспублікі хочам падтрымаць Вас у змаганьні супроць дыктатуры, якая пануе ў Вашай краіне. У нашай памяці яшчэ стала запісаны 1989 год, калі ў Чэхаславаччыне і дзякуючы студэнтам паў камуністычны рэжым. Мы лічым, што нешта падобнае хутка здарыцца і ў Вас. Мы хочам Вас падтрымаць у гэтым памкненьні.

Каб нашая дапамога была як мага больш адчувальнай, хочам Вас папрасіць, каб Вы нам напісалі, што для Вас у гэты час найбольш важна. Мы можам Вам прапанаваць фінансавую, матэрыяльную ці палітычную падтрымку (ініцыяваць ціск на чэскі ўрад і дэпутатаў, а праз іх і на ворганы Эўрапейскага Зьвязу). Напішыце нам калі ласка, што для Вас зараз зьяўляецца найбольш актуальным.

Чэскі ўрад на мінулым тыдні ўхваліў адозву, паводле якой студэнты, якія будуць за свой удзел у дэманстрацыях вылучаны з навучальных установаў, будуць мець магчымасьць працягнуць навучаньне ў чэскіх унівэсытэтах. Калі Вы ці нехта з Вашых сяброў вырашыце скарыстацца гэтай магчымасьцю, то можаце разьлічваць на нашую дапамогу. Ніжэй прыводзім некалькі адрэсаў, на якія можаце зьвярнуцца – хай па параду, фінансавую дапамогу ці дапамогу з жытлом у Празе.
З сяброўскім вітаньнем,

сябры Акадэмічнага Сэнату Карлавага ўнівэрсытэту ў Празе.
(больш за 50 подпісаў)