Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларусы пікетавалі расейскую амбасаду ў Празе 11:04, 11/04/2006
У дзень інаўгурацыі, 8 красавіка, беларусы, якія часова пражываюць у Чэхіі, правялі дзьве аднолькавыя акцыі каля беларускай ды расейскай амбасад. Галоўны сэнс гэтых акцый палягаў у тым, каб перадаць свае думкі й пажаданьні кіруючым рэжымам Беларусі й Расеі.
А паколькі прадстаўнікі названых амбасадаў ні на які кантакт ніколі не выходзілі, дык вырашана было перадаць пасланьні паветраным шляхам. Дзеля гэтага была зроблена сотня папяровых самалёцікаў з надпісамі на крылах: " Мы не верым у тваю перамогу", "Вяртайся ў калхоз", " Перадайце Лукашэнку, што Скарына жыў у Празе, а не ў Пецярбургу", "Слава нашым братам у няволі", "Лукашэнка! Трэцяга не дадзена", " Лукашэнка - антынародны прэзыдэнт", "We love Havel", "We love Milinkevich", "Луку ніхто не паважае" і інш.
