Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Андрэс Хэркель: расейскія дэпутаты прызнаюць зусім іншыя каштоўнасьці 17:35, 13/04/2006
Старшыня падкамісіі Парлямэнцкай Асамблеі Рады Эўропы (ПАРЭ) ў справах Беларусі Андрэс Хэркель, сёньняшні справаздаўца ў ПАРЭ па Беларусі, заявіў “Радыё Свабода, што рэзалюцыя Ассамблеі выглядае дакладна так, як ён хацеў яе бачыць. “Я задаволены канчатковым зьместам рэзалюцыі – папраўкі толькі палепшылі яе. Тое, што казаў дэпутат ад Расеі Віктар Калесьнікаў паказвае, якая вялікая розьніца паміж, напрыклад, маёй ацэнкай выбараў і ацэнкай расейскіх прадстаўнікоў, якая вялікая гэта праблема. Большасьць, аднак, падтрымала маю справаздачу”, -- заявіў Хэркель.
У часе дэбатаў у ПАРЭ, спадар Хэркель заявіў, што “заходнія краіны і Расея прызнаюць зусім іншыя каштоўнасьці” ацэньваючы выбары ў Беларусі. На пытаньне, ці ёсьць шанец на паразуменьне ў гэтай справе паміж большасьцю дэпутатаў ПАРЭ і расейскімі дэпутатамі ў будучыні, Хэркель адказаў:
“Нічога ня робіцца адразу, але палітыкі павінны прызнаваць нейкія ідэалы, мець шчыры падыход да таго што адбываецца, тады можна шукаць шляхі для дыялёгу. Так, ёсьць розныя ацэнкі вынікаў выбараў у Беларусі – трэба шчыра прызнацца ў гэтым. Таму я лічу, што пра гэта трэба далей размаўляць – на ўзроўні Камітэту міністраў ці іншых узроўнях”.
