Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Звольнены з працы кіраўнік берасцейскга штабу Казуліна 12:54, 14/04/2006
Кіраўнік берасцейскага гарадзкога штабу былога кандыдата ў прэзідэнты Аляксандра Казуліна Валянцін Лазарэнкаў да апошняга часу працаваў выкладчыкам Берасьцейскага дзяржаўнага ўнівэрсытэту й адначасова кіраваў суполкай Свабоднага прафсаюзу гэтай установы. На загад рэктара ўнівэрсытэту Мечыслава Часноўскага спадар Лазарэнкаў звольнены “за амаральны паступак, несумяшчальны з пэдагагічнай дзейнасьцю”.
Фармальнай падставай да звальненьня стала тое, што падчас выбарчай кампаніі (Валянцін Лазарэнкаў браў у ёй удзел у якасьці кіраўніка гарадзкога штабу Казуліна) выкладчыка Берасьцейскага ўнівэрсытэту затрымалі паводле абвінавачаньня ў дробным хуліганстве. Спадар Лазарэнкаў правёў пад арыштам 7 сутак.
Пры атрыманьні загаду пра звальненьне Валянцін Лазарэнкаў зрабіў пісьмовую заўвагу, што ня згодны з прыведзенай фармулёўкай. Актывіст выбарчай кампаніі лічыць, што ягоны арышт палітычна матываваны і не зьвязаны з прафэсійнай дзейнасьцю выкладчыка вышэйшай навучальнай установы, паведаміла «Радыё Свабода”.
