Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Акцыя беларуска-літоўскай салідарнасьці ў Вільні 21:45, 16/04/2006
Сёньня ў Вільні адкрываецца выстава фотаздымкаў, зробленых у Менску 19–25 сакавіка. Гэта шостая акцыя беларуска-літоўскай салідарнасьці са зьніклымі і пацярпелымі ад рэпрэсіяў у Беларусі, паведамляе «Радыё Свабода».
Выстава “Хроніка абуджэньня” ладзіцца ў віленскай галерэі на Зарэччы “Галера” і будзе трываць да 23 красавіка. Гэтая галерэя належыць да культурнай арганізацыі “Інкубатар зарачанскага мастацтва” на ўзьбярэжжы рэчкі Віленкі ў цэнтры старога места і вядомая сваімі незвычайнымі імпрэзамі ў розных стылях, альтэрнатыўнымі мастацкімі пэрфомансамі.
Выставу арганізуе Аб`яднаны цэнтар беларускіх ініцыятываў, які ладзіў і ўсе папярэднія акцыі салідарнасьці ў Вільні. Паводле арганізатараў, гэтая выстава – спроба паказаць падзеі ў Беларусі такімі, якімі яны былі, бязь ніякіх выключэньняў. Арганізатарка выставы Вольга Мяльгуй адзначае: “Фотаздымкі даюць магчымасьць паглядзець ў вочы людзям, якія пераадолелі страх і палітычную апатыю”.
, iнформэр
