Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Празе і Вільні адстойвалі гонар ордэна Францыска Скарыны 14:05, 17/04/2006
16 красавіка ля помніка Францыску Скарыне ў Празе і ля мэмарыяльнай скарынаўскай дошкі ў Вільні прайшлі акцыі, удзельнікі якіх выказалі нязгоду з дэвальвацыяй адной з найвышэйшых дзяржаўных узнагарод Беларусі, паведамляе “Радыё Свабода”.
Нядаўна Аляксандар Лукашэнка ўзнагародзіў ордэнам Скарыны артыстаў, якія бралі ўдзел у яго агітацыйнай кампаніі, у тым ліку Надзею Бабкіну, Мікалая Баскава з Расеі і Мікалая Гнацюка з Украіны. Між тым ордэн Скарыны быў заснаваны як адна з найвышэйшых дзяржаўных узнагарод Беларусі, якая прысвойваецца за асаблівыя заслугі ў справе нацыянальна-дзяржаўнага адраджэньня.
Праскія беларусы разам зь дзецьмі надзелі белыя майкі з чырвонымі літарамі, якія склалі лёзунг: “Ордэны Скарыны – героям Беларусі!”.
