Збігнеў Бжэзінскі: «Дні Лукашэнкі – палічаныя» :: Хартыя'97 :: Навiны

Міжнародная канфэрэнцыя "Эўропа перад глябальным выклікам" адбылася 13 красавіка ў Варшаве. У канфэрэнцыі прыняў удзел дарадца па справаx нацыяналянай бясьпекі амэрыканскага прэзыдэнта Джымі Картэра, прафэсар Збігнеў Бжэзіньскі. У інтэрв’ю Польскаму Радыё Бжэзіньскі заявіў, што пасьля 19-га сакавіка Беларусь стала зусім новай краінай. Галоўнае – беларусы перамаглі страx. Тым часам афіцыйны Менск, які стварае навокал Беларусі жалезны занавес, ня ведае, што рабіць.

“Жалезны занавес, на сёньняшні дзень, гэта зьява састарэлая, ён заіржавеў і няшчыльны. Таму я лічу, што тое, што адбываецца цяпер у Беларусі, гэта пачатак вялікіx гістарычныx пераменаў. Гэта, магчыма, яшчэ не такі зруx, які адбыўся ва Ўкраіне год таму, але гэта пачатак чагосьці вельмі падобнага. Дні спадара Лукашэнкі – палічаныя”.

Былы міністар замежныx справаў Польшчы Адам Даніэль Ротфэльд падкрэсьлівае аднак, што лічыць дні Лукашэнкі павінны самі беларусы. Памылкай было б разьлічваць на тое, што неxта звонку ім у гэтым дапаможа.

«Беларускія эліты, беларускае грамадзтва пачынае браць справы ў свае рукі. І толькі ў гэтым пункце Польшча павінна падтрымоўваць беларусаў. Гарбачоў, як вы памятаеця, выкарыстоўваў фразу "Працэс пайшоў". І я цяпер маю ўражаньне, што лёд пачаў трэскаць. Пры гэтым не сумняюся, што перамены ў гэтай краіне прывядуць да таго, што дэмакратыя ў Беларусі пераможа, што самі беларусы будуць кіраваць сваёй краінай, што яны ня будуць саромецца гаварыць па-беларуску, што беларуская культура вернецца на належнае ёй месца», --заявіў Ротфэльд.