Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
ЗША заклікаюць беларускія ўлады вызваліць усіх палітзняволеных 17:12, 19/04/2006
Амбасада Злучаных Штатаў Амерыкі ў спецыяльнай заяве вітае доўгачаканае вызваленне 14 красавіка Міхаіла Марыніча, які амаль два гады знаходзіўся ў турме "па яўна сфабрыкаваных і палітычна матываваных абвінавачаннях". Злучаныя Штаты асуджалі і працягваюць асуджаць арышт, абвінавачанне і ўтрыманне за кратамі спадара Марыніча як беспадстаўнае і абуральнае парушэнне ягоных правоў як чалавека і грамадзяніна. Адначасова Злучаныя Штаты адзначаюць, што ўрад Беларусі працягвае арыштоўваць і ўтрымліваць у турмах надзвычай вялікую колькасць грамадзян Беларусі за іх мірную палітычную дзейнасць.
Злучаныя Штаты заклікаюць беларускія ўлады неадкладна вызваліць усіх палітычных зняволеных, у тым ліку кандыдата ў прэзідэнты Аляксандра Казуліна і актывістаў грамадзянскай супольнасці з арганізацыі “Партнёрства”.
Злучаныя Штаты таксама заклікаюць урад Беларусі пазбягаць рэпрэсіўных дзеянняў супраць сваіх грамадзян і прытрымлівацца міжнародных і маральных абавязацельстваў па забеспячэнні іх канстытуцыйнага права на свабоду слова, самавыяўлення і аб’яднанняў.
