Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
26 красавіка – «Чарнобыльскі Шлях» 10:58, 20/04/2006
Гарадскія ўлады далі дазвол аб`яднаным дэмакратычны сілам на правядзенне ў Мінску "Чарнобыльскага шляху-2006" па маршруце: Акадэмія навук – вуліца Сурганава – плошча Бангалор. Пачатак 26 красавіка а 18.00. У адказе Мінгарвыканкама гаворыцца пра тое, што ўсім людзям, якія збяруцца каля Кастрычніцкай плошчы 26 красавіка ў 18:00, будзе прапанавана прайсці на плошчу Бангалор і правесці мерапрыемства там, паведамляе сайт лідэра дэмакратычных сілаў Аляксандра Мілінкевіча (www.milinkevich.org).
Каментуючы такі адказ Мінгарвыканкаму, намеснік старшыні Партыі БНФ Віктар Івашкевіч сказаў: "Людзі, нават калі іх ня пусцяць на плошчу, змогуць па пешаходных дарожках прайсці да Акадэміі навук. Чарнобыльскі шлях - гэта менавіта рух. Рух вялікай колькасці людзей. Мы пройдзем да Акадэміі навук, як і было запланавана раней."
Удзел у шэсці і мітынгу возьме лідэр дэмакратычнай Беларусі Аляксандр Мілінкевіч.
