Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Сёньня з гарадзкога ваенкамату вярнуўся былы заснавальнік грамадзкага аб’яднаньня “Саюз палякаў на Беларусі” Тадэвуш Гавін, які па позве быў выкліканы туды для “ўдакладненьня дакумэнтаў”. У яго забралі ваенны білет і пасьля абеду ён павінен туды вярнуцца, каб пазнаёміцца з новым мабілізацыйным прадпісаньнем.
Гэта ўжо чацьвёрты па ліку гарадзенскі актывіст, якога ў пэрспэктыве чакаюць ваенныя зборы. Падпалкоўнік запасу, якога ваенкаматы не турбавалі больш за 15 гадоў, з таго моманту як быў звольнены з памежных войскаў былога СССР, быў зьдзіўлены нечаканай цікавасьцю ваенкаматаў да яго пэрсоны. А потым заўважыў цікавую акалічнасьць: вайскоўцы пачалі баяцца пэнсіянэраў па асобных сьвятах, - такіх, як 26 красавіка – дзень Чарнобыльскага шляху. Цяпер спадара Гавіна ў любы момант могут паставіць “под ружьё”, выклікаўшы на палявыя вучэньні. І адбудзецца гэта хутчэй за ўсё перад 2-4 чэрвенем – тады ў Горадні будзе ладзіцца VI фэстываль нацыянальных культур.
Дарэчы, практыка позваў ў войска грамадзкіх актывістаў была вядома пры царызме і шырока практыкавалася ў той час, паведамляе www.belngo.infо.
