Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Жыхары Гродна патрабуюць вызваліць Мілінкевіча 11:31, 28/04/2006
Грамадскасць Гродна, роднага горада лідэра аб’яднаных дэмакратычных сіл Аляксандра Мілінкевіча, глыбока занепакоена і абурана ягоным арыштам і пазбаўленнем волі і патрабуе яго неадкладнага вызвалення.
“Кідаючы людзей у турмы, улада спрабуе спыніць імклівую хвалю пратэстаў дэмакратычных сіл супраць чарговай “элегантнай” перамогі вертыкалі на нядаўніх псеўда выбарах. Яна хоча утрымаць уладу хаваючы праўду пра 20-гадовыя наступствы катастрофы на Чарнобыльскай АЭС і 12- гадовыя наступствы “палітычнага Чарнобыля”.
Грамадская дэмакратычная супольнасць Гродна выказвае рашучы пратэст гвалтоўным дзеянням уладных структур, бачыць у гэтым слабасць пануючай хунты, яе страх перад будучыняй, калі прыйдзецца несці адказнасць за парушэнні правоў чалавека, Канстытуцыі і заканадаўства краіны.
Мы патрабуем тэрмінова вызваліць ўсіх зняволеных, палітыкаў і найперш лідэраў дэмакратычных сіл Беларусі - Аляксандра Мілінкевіча, Сяргея Калякіна, Аляксандра Бухвостава, Вінцука Вячоркі, Аляксандра Казуліна”, -- гаворыцца ў заяве, якую падпісалі лідэры грамадскіх аб’яднанняў Гродна, кіраўнікі мясцовых партыйных структур, грамадзяне горада.
