Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Невыязная «вертыкаль»: Прадстаўніка сьветлагорскай улады не запрасілі ў Германію 16:43, 04/05/2006
Нямецкі бок не запрасіў прадстаўніка выканаўчага камітэту Сьветлагорскага раёну (Гомельская вобласьць) на міжнародную канфэрэнцыю партнэрскіх гарадоў ў Германіі.
Сьветлагорск зьяўляецца адным з партнэраў нямецкага гораду Хэльмштэдт (зямля Ніжняя Саксонія). Штогод у апошнюю нядзелю красавіка адзначаецца Сусьветны дзень параднёных гарадоў. У Бэрліне праводзілася канфэрэнцыя прадстаўнікоў гарадоў сьвету, якія маюць партнэрскія сувязі з нямецкімі гарадамі.
Як правіла, у дэмакратычных краінах міжнародныя сувязі гарадоў каардынуюць грамадзкія аб’яднаньні, якія ствараюцца для гэтай мэты. У Беларусі такія сувязі яшчэ з савецкіх часоў фактычна манапалізавалі органы мясцовай ўлады (альбо арганізацыі, якія хоць фармальна і з’яўляюцца грамадзкімі, але створаныя ўладамі і дзейнічаюць пад іх кантролем).
Таму ў сьветлагорскім райвыканкаме меркавалі, што Сьветлагорск на гэтай канфэрэнцыі будзе прадстаўляць Сяргей Меркулаў – намесьнік старшыні райвыканкаму, які курыруе ідэялёгію. Аднак за некалькі дзён да канфэрэнцыі стала вядома, што прадстаўнік сьветлагорскага райвыканкаму ў сьпіс яе удзельнікаў не ўключаны.
У час апошніх выбараў С. Меркулаў быў старшынём раённай выбарчай камісіі.
