Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Прыпыненая крымінальная справа супраць актывісткі «Маладога Фронту» 11:05, 05/05/2006
4 траўня сьледчы паведаміў моладзевай актывістцы зь Нясьвіжу Насьце Азарцы, што крымінальная справа на яе неўзабаве будзе спыненая. Дзяўчыну вінавацілі ў дзейнасьці ад імя незарэгістраванай арганізацыі («Малады фронт»).
Сьледчы Дзьмітры Мехаў адмыслова прыехаў 4 траўня зь Менску ў Нясьвіж на апошні допыт, заадно і паведаміў пра тое, што ў суд справа Азаркі ня пойдзе. Таксама ён узяў зь дзяўчыны падпіску, што яна ня будзе ўдзельнічаць у дзейнасьці «Маладога фронту».
Пры канцы красавіка была спыненая яшчэ адна крымінальная справа за ўдзел у «Маладым фронце»: яе фігурантамі былі жодзінскія актывісты Сяржук Гудзілін, Алесь Чырэйка, Яўген Ваўкавец, паведамляе «Наша Ніва» (nn.by).
