Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Былы ўдзельнік намётавага мястэчка пазбаўлены працы 10:27, 11/05/2006
У Сьветлагорску (Гомельская вобласьць) пазбаўлены працы 20-гадовы маладзёвы актывіст Андрэй Музычэнка.Андрэй працаваў на раённым вузле электрычнай сувязі вучнем электраманцёра.
Ён напісаў заяву з просьбай аб 15-дзённым водпуску.
“Празь некалькі дзён мне патэлефанаваў дырэктар вузла электрасувязі – Аляксандар Балянкоў. Па яго словах я зразумеў: на працу мне лепш не вяртацца, бо з-за мяне могуць быць праблемы і ў іншых работнікаў, - распавёў А. Музычэнка www.belngo.info. - Таму я вымушаны быў скласьці заяву аб звальненьні. Пасьля я даведаўся, што з маім кіраўніцтвам пра мяне гутарылі супрацоўнікі КДБ. Я лічу, што патрабаваньне звольніцца было наступствам гэтай гутаркі”.
У сьнежні мінулага году міліцыя дастаўляла Андрэя ў аддзел унутраных справаў за тое, што ён удзельнічаў у акцыі салідарнасьці на адной з вуліцаў Сьветлагорску. 24 сакавіка яго арыштавалі ў Менску на 15 сутак за ўдзел у намётавым гарадку на цэнтральнай плошчы. Хлопец таксама зьяўляецца старшынём адной з суполак ТБМ.
, iнформэр
