Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
КДБ правёў ператрус у кватэры і на працы грамадскага актывіста 10:10, 12/05/2006
Супрацоўнікі КДБ правялі ператрус у кватэры і на працоўным месцы намесьніка старшыні асьветніцкага фонду імя Льва Сапегі Ўладзімера Хільмановіча. У яго забралі кампутар, пячатку фонду, прыватныя і службовыя паперы, а таксама ўсе іншыя носьбіты інфармацыі.
Ператрус праводзілі дзьве групы супрацоўнікаў КДБ. Уладзімеру Хільмановічу патлумачылі, што ператрус зроблены ў рамках крымінальнай справы супраць актывістаў незарэгістраванай арганізацыі “Партнэрства”.
Уладзімер Хільмановіч заявіў “Радыё Свабода”, што ня мае ніякага дачыненьня да гэтай арганізацыі. Ён упэўнены, што ператрус і канфіскацыя кампутараў выкліканыя ягонымі публікацыямі ў друку.
