Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Ірына Казуліна падымае пытаньне пра беларускіх палітвязняў у Маскве 16:54, 16/05/2006
Ініцыятары правядзеньня Дня салідарнасьці заклікалі грамадзянаў сабрацца сёньня а 20.00 ля расейскай амбасады ў Менску й запатрабаваць ад Расеі спыніць падтрымку рэжыму ў Беларусі. Жонка зьняволенага экс-кандыдата на прэзыдэнта Ірына Казуліна выказала падтрымку ўдзельнікам акцыі.
Сёньня ў Маскве яна сустрэлася з кіраўніцай Савету пры прэзыдэнце Расеі ў правах чалавека Элай Памфілавай.
“Сёньня перад Памфілавай мы ўздымалі пытаньне ня толькі пра Казуліна, а й пра ўсіх палітвязьняў. Мы прасілі ставіць гэтае пытаньне пра беларусаў, пра палітвязьняў, якія асуджаны за палітычную дзейнасьць і за неляяльнасьць да рэжыму”, -- паведаміла Ірына Казуліна «Радыё Свабода».
Ініцыятыва правядзеньня Дзён салідарнасьці запачаткавана пасьля таго, як 16 верасьня 2005 году, у гадавіну зьнікненьня Віктара Ганчара й Анатоля Красоўскага, міліцыя разагнала акцыю напамінку й адабрала партрэты зьніклых палітыкаў і бел-чырвона-белыя сьцягі. Тады моладзевы актывіст Мікіта Сасім узьняў над удзельнікамі акцыі джынсавую кашулю як сымбаль супраціву. Адзін з ініцыятараў Дзён салідарнасьці, той самы Мікіта Сасім, нядаўна сам стаў 18-м вязьнем сумленьня.
