Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
«Малады Фронт» пачынае вулічныя акцыі пратэсту 14:03, 22/05/2006
Лідэры “Маладога Фронту” Зьміцер Дашкевіч й Артур Фінькевіч пакараныя Маскоўскім судом сталіцы да 15 сутак. 24-гадовы палітык Зьміцер Дашкевіч адбвае на Акрэсьціна ўжо 145 суткі арышту. 21-гадовы Артур Фінькевіч, які тры з паловай месяцы ўтрымліваўся ў СІЗА на Валадарскага, асуджаны да дзьвух гадоў абмяжаваньня волі і гэтымі днямі чакаў накіраваньня на "хімію". У сувязі з гэтым “Малады Фронт” выступіў са спецыяльнай заявай.
“За гады сваёй палітычнай дзейнасьці хлопцы увесь час паказвалі сваю рашучасьць і неаднаразова бралі адказнасьць за вулічныя акцыі дэмакратычных сілаў. Маладафронтаўцы заўсёды заставаліся сапраўднымі патрыётамі нашае краіны, -- заяўляе “Малады Фронт”. -- Паліцэйскі рэжым з-за сваёй маразматычнай боязі чарговы раз кідае на турэмныя нары лепшых прадстаўнікоў беларушчыны. Гэтымі дзеяньнямі улада паказвае свой жудасны страх перад палітычнай і грамадзкай актыўнасьцю, якая непазьбежна захапляе краіну”.
“Малады Фронт” заяўляе, што не пакіне лідэраў руху на міліцэйскае свавольства, й распачынае “вулічную кампанію супраць уладнага беззаконьня й судовай ілжы”.
, iнформэр
