Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Маладзёвых актывістаў дапытваюць па ўсёй краіне 14:57, 25/05/2006
У чацьвер Магілёўскай абласной пракуратурай па справе “Маладога Фронту” дапытаны шклоўскі маладзёвы актывіст Валер Шапалаў. У сераду па справе, узбуджанай супраць лідэраў “Маладога Фронту”, пракуратурай былі дапытаныя магілёўскія й смалявіцкія маладафронтаўцы. Нагадаем, што цягам апошніх дзён аналягічныя допыты адбыліся ў Воршы, Лідзе, Салігорску і іншых гарадах. У пятніцу на допыт у Першамайскую пракуратуру Менску выкліканы маладзёвы актывіст Уладзімір Дубовік.
Адметна, што ўсіх выкліканых цяпер актывістаў руху раней ўжо дапытвалі сьледчыя Камітэту дзяржаўнай бясьпекі. Відавочна, што рэспубліканская пракуратура рыхтуе справу супраць лідэраў МФ Зьміцера Дашкевіча, Барыса Гарэцкага, Сяржука Лісічонка й Алега Корбана да прад`яўленьня абвінавачаньняў і перадачы ў суд.
