Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Нявыплата штрафаў як форма пратэсту 14:53, 25/05/2006
Яшчэ двое дэмакратычных актывістаў у Гомельскай вобласьці – муж і жонка Андрэй і Кацярына Толчыны – адмовіліся выплочваць штрафы, якія былі накладзеныя ў выніку іх грамадзкай дзейнасьці. Як ужо паведамляў www.belngo.info, на мінулым тыдні, адміністрацыйная камісія Савецкага раёну Гомеля пастанавіла спагнаць з Андрэя і Кацярыны Толчыных па 155.000 рублёў за “распаўсюд друкаваных выданьняў, якія вырабленыя з парушэньнем вызначанага парадку і ня маюць выдавецкіх дадзеных, зьмест якіх накіраваны на прычыненьне ўрону дзяржаўнаму і грамадзкаму парадку, правам і законным інтарэсам грамадзян”.
Паводле інфармацыі гомельскага гарадзкога аддзяленьня грамадзкага аб’яднаньня “Прававая ініцыятыва”, сёлета на Гомельшчыне ўжо 7 грамадзкіх актывістаў атрымалі спагнаньні з такой фармулёўкай.
“Мы ня лічым сябе вінаватымі і не зьбіраемся выплочваць гэтыя штрафы. У нас няма ні грошаў, ні маёмасьці, якія адміністрацыйная камісія магла бы спагнаць з нас” – паведаміў А. Толчын.
Аналягічная сытуацыя - ў Сьветлагорску. Тут Натальля Бордак адмаўляецца выплочваць 62.000 рублёў. Гэты штраф быў накладзены за тое, што ў час перадвыбарчай агітацыі плякат кандыдата ў прэзыдэнты А. Мілінкевіча пяць хвілінаў стаяў “у непрызначаным месцы”.
, iнформэр
