Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Папа Рымскі маліўся аб свабодзе Беларусі (Новыя фота) 14:25, 26/05/2006
У сталіцы Польшчы Варшаве, на пляцы Пілсудзкага, сёньня адбылася ўрачыстая імша, якую служыў Папа Рымскі Бэнэдыкт XVI . На пляцы прысутнічалі сотні тысячаў чалавек, сярод якіх ад двух да трох тысячаў беларусаў зь нацыянальнымі бел-чырвона-белымі сьцягамі і гербамі сваіх гарадоў, паведаміла “Радыё Свабода”.
Беларусы былі добра заўважныя ў моры людзей. Іх прысутнасьць адзначаюць усе тэлеканалы.
Прыкладна аб 11:20 паводле менскага часу з папскага алтара была прачытаная малітва на беларускай мове. Чытаў малітву беларускі студэнт з Варшавы Зьміцер Гурневіч -- былы палітвязень менскай турмы на вуліцы Акрэсьціна. У малітве прагучаў заклік маліцца за свабоду і годнасьць людзей, чыя правы парушаюцца:
“Памятаючы пра тое, што людзі розных рас, нацыянальнасьцей і народаў зьяўляюцца адной сям’ёй, молімся за свабоду і пашану годнасьці кожнага чалавека, асабліва ў тых краінах, дзе парушаюцца і абмяжоўваюцца грамадзянскія правы – каб ніхто не цярпеў ад прымусу, дыскрымінацыі і прычыненай крыўды...”— гаворыцца ў малітве.
, iнформэр
