Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У знак салідарнасьці з лідэрамі «Маладога Фронта», што зараз знаходзяцца за кратамі, і з тымі прыхільнікамі пераменаў, якія перасьледуюцца ўладамі за ўдзел у палітычным жыцьці, актывісты салігорскага «Маладога Фронта» запалілі дзясяткі сьвечак на
цэнтральнай плошчы горада.
Тут жа былі разьмешчаны партрэты вядомых палітвязьняў і пацярпелых ад рэжыму. На агонь сьвечаў пачало зьбірацца вельмі шмат зацікаўленых людзей. Усе пыталіся пра людзей на партрэтах, што зь імі зараз. На агонь падыйшлі і супрацоўнікі міліцыі. Спачатку пешы патруль, потым пад`ехалі супрацоўнікі на веласіпедах, а пазьней і на машыне. Каля дзясятка міліцыянтаў, гледзячы на сьвечы, ня ведалі што рабіць.
Парадзіўшыся па тэлефоне з начальствам супрацоўнікі пачалі таптаць сьвечкі і раскідваць іх нагамі, што вельмі абурала мінакоў. Нехта нават патэлефанаваў у дзяжурную частку і паскардзіўся, што ля дзясятка міліцыянэраў сьмецьцяць па сярод горада, паведаміла прэс-служба “Маладога Фронта”.
