Жыхары Берасця прыйшлі да расейскага кансуляту :: Хартыя'97 :: Навiны

40 актывiстаў кампанii “За Свабоду” ўзялi ўдзел у акцыi, прымеркаванай да Дня салiдарнасцi з палiтычнымi вязнямi 16 чэрвеня. Расцягнуўшыся ў доўгi ланцуг, яны ў 22.30 са свечкамi ў руках пачалi шэсце па цэнтральных вулiцах горада – Машэрава i Савецкай.

Ад паловы шляху ўдзельнiкаў суправаджала мiлiцэйская машына i некалькi супрацоўнiкаў САХРу (дарэчы, па некаторых звестках, супрацоўнiкi гэтага ж атраду дзяжурылi на вул. Савецкай ад пятай гадзiны вечара). Яны цiкавiлiся мэтай акцыi i яе ўдзельнiкамi, аднак затрыманняў не праводзiлi. Канкрэтныя прэтэнзii супрацоўнiкi мiлiцыi пачалi выказваць каля расейскага кансуляту, уздоўж каторага актывiсты пакiнулi свае свечкi.Удзельнiкаў акцыi абвiнавацiлi ў антысанiтарыi, але затрыманняў зноў-такi не адбылося, i моладзь накiравалася да плошчы Свабоды.

“Такая акцыя стала ўжо для нас традыцыйнай 16 чысла кожнага месяца. Такiм чынам мы выказваем свой пратэст рэжыму Лукашэнкi i салiдарнасць з палiтычнымi зняволенымi ў Беларусi. Як i месяц таму, канечным пунктам нашага шэсця стала плошча Свабоды, нягледзячы на тое, што свечкi мы пакiнулi ля расейскага кансуляту. Гэта для нас вельмi сiмвалiчна – дайсцi да Свабоды,” – распавядае адзiн з удзельнiкаў акцыi.

Акцыя выклiкала жывое абмеркаванне i падтрымку, некалькi мiнакоў папрасiлi свечкi i далучылiся да шэсця.