Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Ноччу ў Віцебску зьявіліся новыя графіці і расьцяжка 13:16, 19/06/2006
Як паведамілі «Радыё Свабода» прадстаўнікі руху “Бунт”, графіці ў Віцебску зьявіліся на знак пратэсту супраць учорашніх затрыманьняў моладзевых актывістаў, а таксама на знак салідарнасьці з Крысьцінай Шацікавай, якая ўчора ўзьняла сьцяг над летнім амфітэатрам. У часе затрыманьня міліцыянты білі дзяўчыну па галаве, і з пастарунку яе мусілі везьці не ў ізалятар часовага ўтрыманьня, а ў шпіталь хуткае мэдычнае дапамогі.
Моладзевыя актывісты патлумачылі, што “Бунт” ня мае пэўнай арганізаванай структуры, і да кожнай ягонай акцыі могуць далучацца ўсе нязгодныя з цяперашнім становішчам у краіне. Улёткі, графіці й расьцяжкі ў Віцебску сталіся першымі акцыямі “бунтаўцаў”.
