Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
19 чэрвеня ў Кастрычніцкім раённым судзе Горадні працягнуліся слуханьні па крымінальнай справе супраць ваўкавыскага прадпрымальніка Мікалая Аўтуховіча. Прадпрымальніку прад’явілі абноўленае абвінавачаньне. Цяпер Аўтуховіча таксама абвінавачваюць ў тым, што ён нібыта займаўся прадпрымальніцкай дзейнасьцю без рэгістрацыі або без атрыманьня ліцэнзіі. Дагэтуль яму было прад’яўлена абвінавачаньне ў невыплаце падаткаў у асабліва буйным памеры.
Мікалай Аўтуховіч займаўся ў Ваўкавыску пасажырскімі перавозкамі на таксі. Пасьля прэзыдэнцкага ўказу 2003 году, ён, як прадпрымальнік, мог наймаць толькі трох кіроўцаў. Іншыя ягоныя кіроўцы перайшлі ў фірму “Ніка-транс”, дзе ён іх стаў наймаць. Аднак дзяржаўны абвінаваўца лічыць гэта “незаконнай схемай” работы і лічыць, што Аўтуховіч павінен быў стварыць фірму таксі, а раз ён гэтага не зрабіў, значыцца, не заплаціў усе падаткі, паведамляе “Радыё Свабода”.
