Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Варшаве ад Расеі патрабуюць спыніць падтрымку беларускага рэжыму 19:18, 16/07/2006
14 ліпеня ў Варшаве сябры «Зьвязу ў падтрымку Дэмакратыі ў Беларусі» перадалі зварот у амбасады краінаў-чальцоў "Вялікай васьмёркі". У сувязі з самітам G8, які праходзіць зараз ў Санкт-Пецербургу, польскія прыхільнікі дэмакратычных зьменаў у Беларусі зьвярнуліся да краін-чальцоў "Вялікай васьмёркі" з просьбамі:
-- узьняць на саміце пытаньне Беларусі, якой пагражае пазбаўленьне суверэнітэту.
-- паўплываць на Расею, каб тая не падтрымлівала дыктатуру ў Беларусі.
-- зрабіць усё магчымае, каб Расея, якая не адпавядае дэмакратычным стандартам чальцоў "Вялікай 7", не сталася старшынём G8.
Перадача зваротаў - гэта пачатак акцыіі, якую заплянаваў ЗДБ. Яе кульмінацыяй будзе шэсьце ў нядзелю 16 ліпеня. Шэсьце заплянавана ад Старога Гораду Варшавы, праз большасьць амбасад краінаў-чальцоў G8. Канцавым пунктам будзе прадстаўніцтва Расеі, якая найбольш актыўна падтрымлівае рэжым Лукашэнкі й можа прывесьці да аншлюсу Беларусі. У акцыі, апроч сяброў ЗДБ, возьмуць удзел студэнты, якія былі выключаныя з беларускіх ВНУ за грамадзянскую пазыцыю і зараз навучаюцца ў Польшчы па праграме "Стыпэндыя Кастуся Каліноўскага". Усяго іх больш за 200, паведаміла “Еўрапейскае радыё”.
, iнформэр
