Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Анжаліку Борыс зноў выклікалі на допыт 16:06, 25/07/2006
Старшыня не прызнаванага ўладамі Саюзу палякаў Беларусі Анжаліка Борыс, атрымаўшы позву, сёньня наведала Ленінскі РАУС Горадні. Сьледчага Пятра Ленца цікавіла, чаму яна па-ранейшаму называе сябе ў Польшчы кіраўніком Саюзу палякаў. Борыс, аднак, адмовілася даваць паказаньні.
На мінулым тыдні Анжаліка Борыс ужо была на допыце ў гэтай жа справе.
Летась Мін’юст абвясьціў кіраўніцтва Саюзу палякаў на чале з Анжалікай Борыс нелегітымным. Затым на загад уладаў быў паўторна праведзены 6-ы зьезд СПБ, на якім абралі новае кіраўніцтва гэтай грамадзкай арганізацыі, цалкам ляяльнае да ўладаў. Тым ня менш улады Польшчы прызнаюць толькі ранейшае кіраўніцтва СПБ, абранае ўвесну 2005 году, паведаміла «Радыё Свабода».
