Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
На 28-ы дзень галадоўкі Любоў Рэзановіч адмовілася ад вады 16:42, 01/08/2006
Сёньня ўдзельніца галадоўкі ўладальнікаў маршрутных таксі Любоў Разановіч заявіла, што адмаўляецца піць ваду. У кватэры жанчыны дзяжурыць доктар Ала Вябек. “На сёньняшні дзень ёй стала горш. Ведаеце, што такое тры тыдні галадоўкі? Яна адмаўляецца ад вады й хуткай дапамогі, якая ўводзіла глюкозу. Гэта можа скончыцца дрэнна”, -- паведаміла доктар для “Радыё Свабода”.
У Любові Разановіч двое дзяцей: 14-гадовы Арцём і Паўлік, якому 11 гадоў. Гаворыць малодшы:
“У нас грошай няма. Як мы заплацім? Налічылі столькі! Нам трэба ўсё прадаваць! Кватэру... Дзе мы жыць будзем?”
Нагадаем: у галадоўцы прадпрымальнікаў у Берасьці ўдзельнічае 15 чалавек. Яны патрабуюць адмены рашэньня падатковых органаў. Галадоўнікі адмаўляюцца выплачваць грашовы збор за ўвоз у Беларусь аўтамабіляў з камэрцыйнай мэтай. Яны тлумачаць, што ўвезьлі машыны раней за 2004 год, калі быў падпісаны прэзыдэнцкі Ўказ пра спагнаньне вышэйзгаданага збору.
