Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларуская міліцыя шукае сярод апазыцыі замежнікаў 11:59, 01/08/2006
У Магілёве адбылася сустрэча маладзёвых актывістаў з актывістам апазыцыі Уладзімерам Навясядам. Удзельнікі сустрэчы абмяняліся думкамі па некаторых насьпелых пытаньнях маладзёвага дэмакратычнага руху і свайго магчымага ўдзелу ў меркаваных мясцовых выбарах.
Напачатку ж сустрэчы сваімі ўражаньнямі ад прымусовага наведваньня Ленінскага райаддзела магілёўскай міліцыі падзяліліся менскія госьці. Яны распавялі аб тым, як іхны мікрааўтобус за некалькі кілямэтраў да Магілёва быў спынены міліцыянтамі, як іх перасадзілі ў іншы транспарт і даставілі ў райадзел, і як распытвалі наконт таго, хто яны, куды кіруюцца і з якой мэтай. Менскіх гасьцей адпусьцілі пасьля таго, як тыя запэўнілі міліцыянтаў, што ня маюць і ня мелі намеру ўдзельнічаць у Магілёве ў ніякіх дэманстатыўных акцыях, і што сярод іх няма ніякіх замежнікаў.
Дарэчы, гэта ўжо другі раз за апошнія два тыдні міліцыя шукае замежнікаў побач з актывістамі грамадзкага жыцьця.
