Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Як мы ўжо паведамлялі, гэтым летам жыхарке Бярэсця не заплацілі за паўтара месяца працы на расейскім курорце. Па накіраваньні БРСМ яна трапіла ў горад Анапа, дзе была вымушана працаваць у прыватнай краме па 15 гадзінаў у дзень і выслухоўваць пастаянныя зьнявагі і пагрозы. Зьехаць дзяўчына не магла, паколькі ў першы ж дзень гаспадыня крамы забрала ў яе пашпарт. Гэтая гісторыя мела шырокі розгалас у горадзе, і як стала вядома “Радыё Рацыя”, ёй зацікавілася і Берасьцейскае ўпраўленьне па грамадзянству і міграцыі.
Пасьля праведзенай праверкі стала вядома, што без аплаты засталіся яшчэ некалькі берасьцейскіх дзяўчат. У выніку быў складзены пратакол аб парушэньні некаторых пунктаў вядомага дэкрэту прэзыдэнта па супрацьдзеяньні гандлю людзьмі. 25 жніўня адбудзецца беспрэцэдэнтнае на сёньняшні дзень судовае паседжаньне, на якім будзе высьвятляцца віна абласнога камітэту БРСМ у гэтай гісторыі.
