Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Мінску сабраліся ветэраны Беларускага згуртавання вайскоўцаў 16:50, 18/08/2006
У Мінску прайшла канферэнцыя прысвечаная 15-м угодкам абвяшчэння стварэння Беларускага Згуртавання Вайскоўцаў.
Нагадаем, падчас жнівеньскага 1991 году путчу ў Маскве, беларускія дэмакратычныя сілы пачалі арганізоўваць супраціў, каб змагацца за незалежнасць. Праз некалькі месяцаў БЗВ было арганізацыйна аформленае, праіснавала некалькі гадоў і спрабавала беларусізаваць Узброеныя Сілы нашай краіны. Аднак улады пазвальнялі сяброў БЗВ з войска, а патрыятычную арганізацыю ліквідавалі. Узначальваў БЗВ лідэр сацыял-дэмакратаў, зараз палітвязень Мікола Статкевіч.
16 жніўня ў канферэнцыі ўзялі ўдзел каля 15 ветэранаў вайсковага руху, а таксама некалькі дзесяткаў маладых людзей. Выступоўцы гаварылі пра былыя часы і пра дзень сёньняшні. Хвілінай маўчання была ўшанаваная памяць памерлых сяброў БЗВ, паведаміла “Еўрапейскае радыё для Беларусі”.
