Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Пражскім тэатры паказалі беларускага дыктатара 12:40, 08/09/2006
Пражскі народны тэатр адкрыў сезон операй “Антыгона”. У аздабленні сцэны ўжываецца беларуская афіцыйная сімволіка, а дыктатар вонкава падобны да Аляксандра Лукашэнкі.
Опера Ёзефа Мыслівечка, чэшскага сучасніка Моцарта, чакала сваёй прэм’еры больш за два стагоддзі. Яна працягвае сюжэт вядомай драмы Сафокла. Каб зрабіць антычны сюжэт больш прывабным і зразумелым сучаснаму гледачу, дзея пры пастаноўцы была перанесеная ў сучаснасць, паведаміла “Еўрапейскае радыё”.
Перад гледачом паўстае канцылярыя ўсходнееўрапейскага дыктатара, шматлікая ўзброеная ахова, тэлеэкран, з якога ўладар бесперапынна прамаўляе да людзей.
