Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Аляксандр Мілінкевіч: «Рэжым страшэнна баіцца моладзі» 14:03, 15/09/2006
Лідэр аб`яднаных дэмакратычных сіл Беларусі Аляксандр Мілінкевіч пракаментаваў сённяшні арышт сустаршыні “Маладога Фронту” Зміцера Дашкевіча. «Арышт моладзевага лідэра Зміцера Дашкевіча – ёсць яскравым сведчаннем падрыхтоўкі рэжыма да рэферэндума і здачы незалежнасці Беларусі. Нейтралізуюцца актыўныя маладыя людзі, для якіх незалежнасць краіны святое, і якія дзеля яе абароны гатовыя на рашучыя дзеянні. Гэта моладзь, якая сталела ў вольнай Беларусі і якая ніколі не пагодзіцца на страту краінай незалежнасці. Гэтай моладзі рэжым страшэнна баіцца. Вясновыя падзеі на плошчы паказалі істэрыку ўлады, яе слабасць. Дубінкі, кайданкі, краты – адзіныя аргументы, якія сёння засталіся ў рэжыма, каб трымацца за ўладу», - сказаў Аляксандр Мілінкевіч.
